هذا الموضوع كنت اريد ان اكتبه منذ عده ايام ولكن الامتحانات حالت دون قيامي بذلك ،وخصوصا اذا كانت الممتحن شخص مثلي ،انتهي من كل شئ فلا اجد ما اذاكره

عارفه ..كدابة

المهم الموضوع هو التليفزيون .غريبه طبعا ان اللي يتكلم في الموضوع ده انسانه مدمنه تليفزيون ويمكن متقدرش تعيش من غيره

بس بجد الموضوع ده في بالي من زمااان .

بسأل نفسي نفسي كتيير

هو لو مكنش في تليفزيون كانت الحياه حتبقي ازاي؟؟؟؟؟ انا طبعا بتكلم عن سلبيات التليفزيون باعتباري نكديه

عارفه مش فاهم حاجه،اسهلهالك

الحبقصص الحب الجميله اللي بنشوفها في التليفزيون واللي تحببك في الحب ،لأ ويمكن تخليك تحب علي نفسك عشان بس تشوف قصه الحب اللي بتتمناها

هو لو مكنش في تليفزيون كنا حنعرف يعني ايه حب بين رجل وامرأه؟؟

متهيألي لأ وده مش رأيي انا بس ده رأي ابن خالتي الحبيب الكبير،

بس فعلا لو مكناش بنشوف الحاجات دي في التليفزيون كنا حنعرفها ونحسها ازاي؟؟؟

-دي وصلت انه كمان بيخليك مشجع كبير اوي للرذيله اقولك ازاي

كعاده كل فيلم لازم مصاعب وعواقب في طريق الحبيبين وطبعا زي تلت تربع الافلام لازم البنت المبجله تهرب من عريس الغفله اللي مغصوبه عليه عشان تروح لحبيبها .واحنا طبعا مبسوطين اوي ونشجعها ونقول (يلا بسرعه الحقي قبل ما باباكي يصحي والا الداده تقوم تشوفك) بزمتكوا مش هو ده اللي بيحصل

طب ده حتي sorry خلي البعض يقتنع بموضوع الرغبات والنزوات وممكن نعذر واحد او واحده غلط تحت عنوان لحظه ضعف

 -ده حتي الاطفال فسدت اخلاقهم منه ،انا مثلا كنت عيله عندها 9 سنين وبحب ولولا ان في شويه ادب وخجل علي حبتين اخلاق ..كان زماني عشت ميت قصه حب لحد دلوقتي،وطبعا ده بسبب التليفزيون اللي خلاني احس ان الحب ده حاجه عاديه

طب بالزمه كم فيلم شفته مفيهوش كده،لازم ده مينفعش ابدا. لازم بطل وبطله وحب وعذابL وهي دي حكايه كل فيلم..

الأغانيحتي الاغاني ما هي متتخيرش عن الافلام برضه .تلت تربع الاغاني مبتقولش الا(الحب.حبيب.حبيبيتي.يحب....وخد من ده ورايح كل مشتقات كلمه حب)مش هو ده كلام الاغاني

ولو اغنيه وطنيه والا دينيه هي ليها وقت معين وخلاص.لكن كام واحد ممكن يشتري البومات من النوع ده؟؟؟؟؟؟

انا مثلا جتلي الحاله وانا في تانيه ثانوي -<تاثير الثانويه العامه،وقال ايه نفسي في اغاني(حليم)الوطنيه .وبما ان طلبات الثانويه العامه اوامر ماما جبتلي تلت البومات وطنيه والله هما يومين وبعد كده اترموا جنب اخواتهم وبقيت ممكن اسمعهم كل سنه مره

مره برضه قلت اسجل اغاني دينيه والله ما كملت وجه واحد من الشريط ويوم ما احتجت اسجل اغاني من اياها علطول سجلت عليه

 انا طبعا مش ضد التكنولوجيا بس برضه التكنولوجيا ليها سلبياتها

علي فكره كل الكلام ده مجرد فضفضه ..مش بناقش مشكله والا حاجه لا قدر الله .فقد سبق السيف العزل

معلش عن اذنكوا دلوقتي اصل في فيلم جامد طحن شغال عايزه الحق اشوفه J