ياجماعه انا عارفه انه من الغريب جدااااااااا اني يوم ما اتكلم علي شخص بعينه اتكلم علي شخصيه مكتوبه علي الورق..دور في مسلسل .بس بجد بحبها والله بموت فيها من اول لقطه في المسلسل الوحيد اللي متبعاه من اول رمضان .
المسلسل معروف طبعا
يتربي في عزو
ماما نوناحبيبه الملايين مش انا بس..طب بذمتكوا مش كده؟؟؟؟؟؟؟
رغم انها دلعت ابنها زي ما بيقولوا دلع مرق بس برضه انما الاعمال بالنيات والست كانت بتعمل كده من باب حبها لابنها الوحيد دلوعه ماما ويوم ما غلط كانت هي اول من بهدله وضربه بالقلم كمان وهو في السن ده..يعني اوعي اي حد يظلمها
انا والله عيط عياط لما ماتت كانها فعلا حد يقربلي وهي فعلا تشبه جدتي الله يرحمها الفاتحه علي روحها....
ده حتي خالي الشيخ اللي مش بيحب التليفزيون اول ما شاف الحلقه دي راحت عنيه اتملت بالدموع وقام مشي من قدام التليفزيون
ربنا يطولنا في عمر ماما كريمه يارب .اصلها طيبه اوووووووووووي
اما بالنسبه لحماده الجامد اوي والله ياجماعه الفنان يحيي الفخراني ده حبيبي –مع الاعتذار ل د/ لميس بس والله انا مش بتاعه مشاكل وحبقي زوجه تانيه هاديه ومستكينه ومش حعمل شغل الزوجه التانيه ده خالص-والنبي تقولوا له يوافق-
نرجع لحبيبتي ماما نونا ..
الحاجه الوحيده اللي حتعوضني عنها هي العروسه العثل دي (عروسه ماما نونا)اللي عملها حماده في الحلقه الاخيره...مصيبه لتكونوا نسيتوااااااااا !!!!!
بجد اول ما تنزل العروسه دي الاسواق حكون اول من يشتريها ....بس ادعوا لي ربنا يفتحها عليا في العيديه ..اصل الحاله مقشفره ع الاخرL
انا مش عايزه اطول عليكوا اكتر من كده ..العيد فرحه بقي وانتوا مشغولين انا عارفه ...الله يسهلواااااااااااااااااااJ
اما بالنسبه ليا فانا متلقحه في البيتLربنا يفتحها عليا بقي بأي خروجه يارررررررررب
وكل سنه وانتوا طيبين
15 اكتوبر, 2007 11:58 م