meine Gedanken

الكليهكلمه كانت بتمثل لنا كلنا شئ مهم، حلم ايوه فعلا حلم حيفوقنا من كابوس كبير اسمه  الثانويه العامه ومذاكرتها والضغط العصبي والدروس والتنسيق……الخ                                                   وانفتاح علي كل حاجه كان الواحد حارم نفسه منها ومستني الكليه عشان يحققها..                             الكليهعالم كبير اوي كنت مشتاقه جدا اني ادخله واعيش فيه                                           الكليههي التصريح اللي حيخليني أعمل كل حاجه من غير خوف                                        الكليههي الضحك والاصحاب والخروج وطبعا قصه الحب الجميله اللي كنت بحلم بيها.ما انا خلاص قلعت المريله وفكيت الضفاير اعيش بقي                                               *وطلعت كل دي اوهام ومش انا بس اللي اكتشفت كده ،لا كلنااااااااااااااااااااااااااااااااااااا.                               انا قبل ما ادخل الكليه وبعد المجموع الكبير كنت بحلم كل يوم بالساعه اللي حدخل فيها الكليه،كنت فكراها خروج وسفر وحياه واصحاب بنات وولاد ولبس وبعد ده كله كمان كنت عامله حساب للمذاكره كنت بقول مهما كانت مذاكره الكليه حتيجي ايه جنب الثانويه العامه وقرفها وخصوصا اني دخلت الكليه اللي انا عيزاها.                                                 لسه فاكره كلام شخص ما ممن سبقوني في دخول عالم الاسرار(الكليه)قعد يقولي اول ماحتدخلوا الكليه حتلاقوا ولاد بتتلكك عشان قال ايه عايزين منكوا الجدول والكلام يجر بعضه والواحد مش حيلاحق... وفاكره برضه الكلام اللي كنت عايزه اقوله له بعد ما دخلت الكليه                                                     بما اني دخلت احدي كليات الدحيحه لقيت الكليه عندي عالم كئيب .الكل ساكت ومش مهتم غير بالجدول وبس،ومع ذلك مفيش اي شحط جه وسالني عليه ..يومها روحت البيت قعدت اعيط بس كنت بصبر نفسي ده برضه اول يوم                                    بعد كده اتصحبت بمنتهي السرعه علي يجي5او6 بناااااااتوركز في موضوع بنات ده              كنت حتجنن قلت لماما هو انا دخلت الكليه عشان اعرف بنات هو انا يعني كنت محرومه منهم ،وماما تقولي كده احسن ،وانا لا ابدا ………………كان موضوع شاغلنا كلنا كلنا مش انا بس .أول سؤال سألناه لبعض من اول يوم (ها عرفتي ولاد والا لسه)        لان طبعا معرفه الولاد حيترتب عليها كل الاحلام التانيه 1-الاصحاب -2الخروج 3-الرحلات وطبعا              die liebeقصدي الحب                                                   وبعد ذلك رضيت بنصيبي وقدري وقعدت النص الاول من السنه الدراسيه معرفش حد خالص   في حين ان كل اصحابي في الكليات الاخري بقي ليهم شله واصحاب                                           وجه النص التاني كان لازم انا واللي صاحبتهم في الكليه نثور علي الوضع ده وباءت كل المحاولات بالفشل كأن حد عاملنا عمل مربوط في رجل نمله...   عارفين العوانس اللي ما بيصدقوا يمسكوا في عريس اهو احنا كنا كده اي حد يكلمنا معانا مش معانا بس يكلمنا كنا نرضي ..........................                       انا ابتديت ايأس واقول يابت شوفي حالك مفيش فايده .لقيت اصحابي عرفوا شله من كليه الانس اللي جنبنا(كليه تجاره)وانا كنت منقطعه عن العالم ده كله،ده انا حتي كنت مخنوقه من الشله دي اللي حرموني حتي من البنات اللي كنت متبطره عليهم . لقيتني بقول جربي وكلميهم مش حتخسري .اول ما كلمتهم ماعجبونيش خالص بس قلت يلا خليني اهو ضل راجل والا ضل حيطه  يمكن يكونوا كويسين زي ما اصحابي بيقولوا .    بس الشهاده لله في الاخر كلهم عجبوني واستمر الامن مستتب واحنا مجرد اصحاب وبمجرد مادخلنا في خطوه اكثر تقدما كانت هي دي بدايه النهايه!!!!!!!!                                       انتوا عارفين طبعا الولاد وتفكيرهم  اللي بيحب  مش عارف مين والحوارات دي  .في الاول كان عادي بس في الاخر ابتدت تحصل بسبب المواضيع دي مشاكل وخناقات لقيتنا بنخسر بعض بسببها                                                مكنتش اعرف اننا اخسرنا بعض من زمان         من ساعه  ما بقينا نقعد مع بعض عشان اغراض تانيه غير الاخوة ورغم ان المواضيع دي كانت حلوه في الاول الا اني اتخانقت في الاخر                                                   وجات السنه الجديده(سنه تانيه) وكل شئ راح وانقضي وهنا كانت فعلا النهايه للقصه الجميلة ورغم اني كنت sorryمسروعه علي الولاد ،الا اني دلوقتي بجد مبقتش عايزه اعرف حد ،في الاول كنت متمسكه بشلتي القديمه بس دلوقتي لاعايزة اعرفهم والا اعرف غيرهم                         واثناء كل ده طبعا لقيتني مضيعه نفسي لا حضور محاضرات ولا مذاكره ولا اي حاجة وربنا سترها معايا في سنه اولي ببركه دعاء الوالدين مش اكتر وحتي في سنة تانيه مش اتلم واذاكر زي مخاليق ربنا ..لا مضيعه وقتي في تفاهات وخلاص وربنا سترها معايا مرة خلاص وانا محترمتش نفسي فسحب الرخصه مني وادي تاني حلم ضاع .         ومبقاش فاضل غير اصحابي البنات بعد كده لقيت ان ده كمان كارت خسران وفي الاخر كرهت المذاكره  الكليه  ومجيتي ليها في حد زاتها بقت بتضايقني                                             شوفتوا بقي ان كل الاحلام أنهارت ومفضلش منها غير اطلال  من                                          1- الصداقه القويه 2- الزماله النضيفه3- المستقبل والمذاكرة وانا تهت بين كل دول                           هي دي حكايتي مع احلام الكليه اللي بقت كوابيس ولو عندكوا فضول تعرفوا الخاتمه ابقوا تعالوا شوفوا النتيجه وشوفوا ابي العزيز حيعمل فيا ايه بعدها                                                   بس للعلم مش  انا بس اللي كده ،حتي اصحابي اللي في الكليات التانيه وكنت فاكراهم ناجحين في كلياتهم .هما كمان خسروا كل حاجة .اكيد طبعا مش كل الناس زينا  بس العيب في مين فينا والا في الكليه؟؟                                         *يمكن السبب ان احنا كانت احلامنا اكبر مننا                                                 *يمكن السبب ان احنا كنا عايزين كل حاجة فخسرنا كل حاجه ->وده هو اللي حصلي وزياده علي كده خسرت نفسي  وهويتي                                  *يمكن السبب هو ان زمن الاحلام انتهي واننا فقر ونحس علي راي واحده صحبتي                                                 بس ايا كان السبب مفيش حاجه حتعوض اللي خسرناه.لان الانسان لما يخسر مبادئه ونفسه لما يتحول 180ْلمجرد الظن ان الكليه هي طريق الحريه اللي طول عمرنا محرومين منها  يبقي مفيش حاجه يخسرها اكتر من كده................ .طب والحل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟          حنسكت ..والا حنجرب تاني..والا حنبدأ من جديد ..والا حنرضي بوضعنا ده واهي سنين تتقضي وخلاص                                                  بس اقولكوا علي سر بس اوعي اوعي تقولوه لحد     ياجماااااااااااعه الفاشل اللي زيي ياريت يخدها من قصيرها ويخش كليه اي كلام ..اربع سنين واقلب ..  لكن اللي عايز كليه قمه وفسح وخروج وكده يبقي حلاقيه بعد كام سنه لو اداني ربنا العمر كاتب مدونه عن احلام الكليه زيي ويمكن يصبح برضه  من مترردي العيادات النفسيه (زيي في المستقبل)     بس اوعي تقولوا لحد عشان ماما بتتعصب جدا لما بتسمع سيره اني عايزه اروح لدكتور نفسي