بجد بجد وحشتوني ووحشتني المدونه جدا ..
انا فلا بقالي زمن مدخلتش نظرا للدراسه والحاجات دي اللي مش جايبه تمنها دي
انا بس جيت اسلم عليكوا وماشيه انا خلاص مش حكتب تاني
وده له اسباب خاصه بس طبعا مفيش حاجه تخفي عليكم
اللي متابع المدونه بتاعتي_الله يكرمه_حياخد باله ان في موضوعين اتحذفوا واحسن اني حذفتهم اصلها مواضيع كئيبه وانا عارفه ان كل واحد فيه اللي مكفيه وانتوا مش نقصني وكمان كان فيهم حاجات شخصيه يعني اللي ما يشتري يتفرج
السبب الرئيسي بقي في امتناعي المفاجئ عن الكتابه ااولا ان الموهبه عندي مش مقطعه بعضها .
ثانيا ان حاله التفريغ الانفعالي مبتجليش الا لما تحصلي حاجه تضايقني يعني كله نكد وانتوا ملكوش ذنب تتحملوا كده وانا اخري اكتب في كشكولي مش ع الملأ كده
ثالثا لان كنت موهومه بان الكتابه بتريح وفيها فعلا تنفيس كما قال العلماء وبما ان لكل قاعده شواذ فانا من شواذ القاعده لان لقيت الكتابه مبتفيدش بحاجه وبكتب وبرضه مبستريحش ..زي ما تقولوا كده مبقاش في حاجه محوقه معايا :(
ثالثا لاني غلط واكتفيت بالكتابه علي اساس اني لما اكتب المشاكل حتتحل من تلقاء نفسها وطبعا لا بتحل والا نيله دي بتزيد
لذا قررنا الاتي
اني مكتبش تاني في المدونه فانتوا تستريحوا
واني مكتبش تاني ع الورق فماما تستريح من تكاليفه وتكاليف الحبر ما هي كل حاجه غليت دلوقتي
واني امر علي مدوناتكم واضيف تعليقي المتواضع
حتوحشووووووني مووووووت:-*
27 يونيو, 2008 10:36 م